தெலுங்கு நடிகர் சங்கத்தில் உறுப்பினராக சேர சொல்லி பலமுறை வலியுறுத்தியும், நடிகை ஜெனிலியா உறுப்பினராகததால், அவருக்கு நடிக்க தடை விதித்துள்ளது தெலுங்கு நடிகர் சங்கம். தமிழ், தெலுங்கு, இந்தி, மலையாளம் உள்ளிட்ட படங்களில் நடித்து வருகிறார் நடிகை ஜெனிலியா. இந்நிலையில் தெலுங்கு படங்களில் நடிக்கும் நடிகர், நடிகையர், நடிகர் சங்கத்தில் உறுப்பினராக வேண்டும் என்று அறிவுறுத்தப்பட்டது. இதுதொடர்பாக ஜெனிலியாவிடமும் பலமுறை எடுத்து கூறப்பட்டுள்ளது.ஆனால் ஜெனிலியா இதைப்பற்றி கவலைப்படவே இல்லை.
இந்நிலையில் பொறுத்துப் பொறுத்துப் பார்த்த நடிகர் சங்கம், உறுப்பினர் ஆகும்வரை தெலுங்கு படங்களில் நடிக்க ஜெனிலியாவுக்கு தடை விதித்துள்ளது. தற்போது ராணா டகுபதியுடன் ஜோடி சேர்ந்து “நா இஷ்டம்” என்ற படத்தில் ஜெனிலியா நடித்து வருகிறார். இந்த பட வேலைகள் முடிந்தவுடன் இந்த தடை அமலுக்கு வருகிறது.
கடந்த சில மாதங்களுக்கு முன்பு இதே காரணத்திற்காக த்ரிஷா, ஸ்ரேயா, இலியானா, பிரியாமணி, தமன்னா ஆகியோருக்கு தெலுங்கு நடிகர் சங்கம் நோட்டீஸ் அனுப்பியது என்பது குறிப்பிடத்தக்கது.
நன்றி : உழவன்
.
Subscribe to:
Posts (Atom)